ප්රාදේශිය ලේකම් කාර්යාල සේවා ගොනු
සිවිල් ලියාපදිංචිය
අවසර පත්ර/ බලපත්ර නිකුත් කිරීම
සහතික පත්ර නිකුත් කිරීම
විශ්රාම වැටුප් ගෙවීම්
ඉඩම් පරිපාලනය
සමාජ සුභසාධන සහ සහන
සමෘද්ධි වැඩසටහන්
ප්රසම්පාදන
සංවර්ධන වැඩසටහන්
අප සපයන සේවාවන්...
ඔබේ අවශ්යතාව අනුව අදාළ කාණ්ඩය වෙත පිවිස පරීක්ෂා කර බලන්න. ඔබ සොයන තොරතුරු එහිදී සොයා ගැනීමට නොහැකි වූයේ නම්, අප ඇමතීමට කාරුණික වන්න.
අප අමතන්නපුවත්
රාජ්ය සේවා ස්ථාන
Service Cluster
ජාතික හැඳුනුම්පත් අංශයේ දුරකතන අංකය
011-5226126 011-5226100සැලකිය යුතු කරුණු
ජාතික හැඳුනුම්පත ලබා ගැනීමට අදාල අයඳුම්පත හා අවශ්ය උපදෙස් ලබා ගැනීමට අවස්ථානුකූලව පහත නිලධාරීන් අතුරින් එක් අයෙකු වෙත යා යුතුය.
අයඳුම්කරු පදිංචි වසමේ ග්රාම නිලධාරී පාසැල් අයඳුම්කරුවන් අදාල පාසැල් විදුහල්පතිවරයා (මුල් වරට හැඳුනුම්පත් ලබා ගැනීම සඳහා)තමා ලබාගත් අයඳුම්පත සම්පූර්ණ කර අවශ්ය ලිපි ලේඛන සමඟ ඉහත නිලධාරියකු වෙත භාර දිය යුතුය.
හැඳුනුම්පතක් සඳහා එක් වරක් අයඳුම් කර හැඳුනුම්පත ප්රමාද වුවහොත් නැවත අයඳුම් නොකළ යුතුය. යැවූ අයඳුම්පතේ අඩුපාඩු විමසා සම්පූර්ණ කළ යුතුය. හැඳුනුම්පත නැතිවූ වහාම ඒ බව ළඟම පොලිස් ස්ථානයට පැමිණිලි කළ යුතුය. ද්විත්ව පුරවැසිභාවය ලබා ගැනීමෙන් පසු මාස හයක් ඇතුළත ජාතික හැඳුනුම්පත් අලුත් කර ගත යුතුය. හැඳුනුම්පතක් දරන්නකු මිය ගිය විට එම හැඳුනුම්පත භාරව සිටින තැනැත්තා විසින් මරණයට අදාල කටයුතු අවසන් වීමෙන් අනතුරුව පුද්ගලයින් ලියාපදිංචි කිරීමේ දෙපාර්තමේන්තුවේ ශාඛා කාර්යාලය වෙත එම හැඳුනුම්පත භාරදිය යුතුය.මුල් වරට හැඳුනුමපතක් ලබා ගැනීම
ලංකාවේ පදිංචි පුරවැසියකු විය යුතුය. වයස අවුරුදු 15 සම්පූර්ණ විය යුතුය.
*අවශ්ය ලිපි ලේඛන* 
සම්පූර්ණ කරන ලද අයඳුම්පත.අයඳුම්පත බාගත කර ගැනීමට පහත සබැඳියට පිවිසෙන්න.
අතිරේක දිස්ත්රික් රෙජිස්ට්රාර් විසින් සහතික කරන ලද මෑතකදී ලබාගත් උප්පැන්න සහතිකයේ මුල් පිටපත අයඳුම්කරු වයස අවු.50ට අඩුනම් අනිවාර්යෙන්ම උප්පැන්න සහතිකය හෝ අනුමාන වයස් සහතිකය. අනුමාන වයස් සහතිකයේ උපන්දිනය ලෙස සලකනු ලබන්නේ එහි සඳහන් වර්ෂයේ ජූලි 01 දිනයි. අයඳුම්කරුගේ වයස අවු.50ට වැඩි නම් උප්පැන්න සහතිකය හෝ අනුමාන වයස් සහතිකය නොමැතිනම් ලේඛන සෙවීමේ ප්රතිඵල සටහන හා උපන් දිනය සනාථ කරන දිවුරුම් ප්රකාශයක් සමඟ පහත ලේඛන හැකි ප්රමාණයක් ඉදිරිපත් කළ යුතුය.පාසල් හැරයාමේ සහතිකය.බෞතිස්ම සහතිකය.අයඳුම්කරුවන්ගේ උපන්දිනය සටහන්ව ඇති, දරුවන්ගේ උප්පැන්න සහතික පිටපත්.උප්පැන්න සහතිකයේ උපුටාගත් කොටස.ශ්රී ලංකාවේ පුරවැසි සහතිකය (උපන්දිනය සඳහන්ව තිබේනම්)ගමන් බලපත්රයේ සහතික කළ පිටපතක්.හඳහන. බෞද්ධ භික්ෂූන් වහන්සේලා,සාමනේර සහතිකය හෝ උපසම්පදා සහතිකය ඉදිරිපත් කළ යුතු අතර අන්යාගමික පූජකයින්ද පූජ්යත්වය සනාථ කිරීම සඳහා අවශ්ය සහතික ඉදිරිපත් කළ යුතුය. උපැවිදි වී ඇත්නම්, උපැවිදි සහතිකය ඉදිරිපත් කළ යුතුය. අයඳුම්කරු විවාහක කාන්තාවක් නම්, ස්වාමිපුරුෂයාගේ නම ලබාගැනීමට විවාහ සහතිකයේ මුල් පිටපත හා එහි ඡායා පිටපත. විදේශයක උපත ලද්දකු නම් ලංකාවේ පුරවැසි බව ලබාගත් සහතිකය සහ ඡායා පිටපත. අනුමත ඡායාරූප ශාලාවකින් ඡායාරූප ගැනීමෙන් අනතුරුව ලබාගත් ඡායාරූපය තහවුරු කරන ලිපිය. *ගාස්තුව -* රු.100.00ක මුදල(අයඳුම්කරු අවු.16 ඉක්මවා ඇති තැනැත්තෙකු නම්, වයස අවු.15 සම්පූර්ණ වීමේදී හැඳුනුම්පත ලබා නොගැනීම වරදක් ලෙස සලකා එම වරද සමථයකට පත් කිරීම වෙනුවෙන් රු.250ක දඩ මුදලක් ගෙවිය යුතුය. එය පු.ලි.දෙ.මෙ 02/03 ආකෘතිය සමඟ ගෙවිය යුතුය.)
පළුදු වූ හෝ හැඳුනුම්පතක අන්තර්ගත කරුණු සංශෝධනය
මුල් වරට ලබාගත් හැඳුනුම්පතේ ඡායාරූපයට වඩා පුද්ගලයාගේ වර්තමාන ස්වරූපය වෙනස්වීම. නම වෙනස් කර ගැනීමට අවශ්ය වීම. පදිංචිය වෙනස් වීම නිසා ලිපිනය වෙනස් කිරීම. මුල් හැඳුනුම්පතේ සටහන් අපැහැදිලි වීම. විවිධ හේතූන් නිසා හැඳුනුමපත පළුදු වීම. 1972 හා 1973 වර්ෂවල නිකුත් කළ හැඳුනුම්පත් වෙනුවෙන් නව හැඳුනුම්පත් නිකුත් කිරීම.(1990 නොවැම්බර් 20 දිනැති අංක 637/6 අති විශේෂ ගැසට් පත්රය මඟින් මෙම වර්ෂවල නිකුත් කළ හැඳුනුම්පත් අවලංගු කර ඇත.) *අවශ්ය ලිපි ලේඛන* සම්පූර්ණ කරන ලද අයඳුම්පත.අයඳුම්පත බාගත කර ගැනීමට පහත සබැඳියට පිවිසෙන්න. දැනට බාවිතා කරන හැඳුනුම්පත. දැනට බාවිතා කරන හැඳුනුම්පතේ අංකය අපැහැදිලි නම්, එම අංකය බාවිතා කළ බවට සනාථ වන ලියකියවිලි (රියදුරු බලපත්රය, විදේශ ගමන් බලපත්රය, බැංකු පොත) දැනට බාවිතා කරන හැඳුනුම්පතෙහි නම, උපන්දිනය හෝ අදාල විස්තර වෙනස්නම් හෝ අපැහැදිලි නම්, උප්පැන්න සහතිකයේ මුල් පිටපත හෝ විකල්ප ලේඛනවල මුල් පිටපත් ඉදිරිපත් කළ යුතුය. උප්පැන්න සහතිකයේ නොමැති නමක් හැඳුනුම්පතට ලබා නොදෙන අතර එවැනි අවස්ථාවලදී උප්පැන්න සහතිකය සංශෝධනය (13 වන තීරුව) කළ යුතුය. අයඳුම්කරු අවු.50 ඉක්මවූ අයෙකුනම්, දෙපාර්තමේන්තු වාර්තා වල උප්පැන්න සහතිකයේ නොමැති නමක් සඳහන්ව ඇත්නම් උප්පැන්න සහතිකය සංශෝධනයකින් තොරව එම නම හැඳුනුම්පතට ඇතුලත් කළ හැකිය.අනුමත ඡායාරූප ශාලාවකින් ඡායාරූප ගැනීමෙන් අනතුරුව ලබාගත් ඡායාරූපය තහවුරු කරන ලිපිය. *ගාස්තුව -* රු.250.00ක මුදලනැතිවීම හේතුවෙන් හැඳුනුම්පතේ පිටපතක් ලබා ගැනීම
සම්පූර්ණ කරන ලද අයඳුම්පත.අයඳුම්පත බාගත කර ගැනීමට පහත සබැඳියට පිවිසෙන්න. හැඳුනුම්පත නැතිවූ බවට පොලිසියේ කරන ලද පැමිණිල්ලේ මුල් පිටපත (මාස 01ක් නොඉක්මවූ) උප්පැන්න සහතිකය හෝ විකල්ප ලේඛන නැතිවූ හැඳුනුම්පතේ අංකය බාවිතා කළ බවට සනාථ කෙරෙන ලේඛන (නැතිවූ හැඳුනුම්පතේ ඡායා පිටපත හැර අංකය සඳහන් ලේඛනයක්)අංකය සනාථ කිරීමට ලේඛන කිසිවක් නොමැති නම්, මීට පෙර හැඳුනුම්පතක් ලබාගත් බවට ප්රකාශය සමඟ ග්රාම නිලධාරී විසින් තහවුරුවක් ලබා ගත යුතුය.අංකය ලබාදෙන මූලික ක්රමවේදය වන්නේ උපන්දිනය පදනම් කරගෙන වන බැවින් උපන් දිනයේ යම් වෙනස්කමක් ඇත්නම් නව අංකයක් යටතේ හැඳුනුම්පත නිකුත් කරන අතර එසේ අංකය වෙනස් වුවහොත් නව අංකයක් ලබා දුන් බවට ලිපියක් දෙපාර්තමේන්තුව මඟින් ලබා දෙනු ඇත. ඉහත අවස්ථා තුනෙහිදීම සාමාන්ය සේවාව යටතේ අයඳුම්පත දෙපාර්තමේන්තුව වෙත යැවීමට භාර දෙන්නේ නම්, පවතින මුද්දර ගාස්තුව ඇලවූ, ලිපිනය නොලියන ලද ලියුම් කවරයක් සමඟ අයඳුම්පත ග්රාම නිලධාරී වෙත භාර දිය යුතුය. සකස්කළ හැඳුනුම්පතක යම් දෝෂයක් ඇත්නම් මාස 01ක් තුළ හැඳුනුම්පත සමඟ නිවැරදි විය යුතු ආකාරය ඉල්ලීමක් සමඟ හැඳුනුම්පත දෙපාර්තමේන්තුව වෙත යැවීමෙන් නිවැරදි කර ගත හැකි අතර මාස 03 ඉකුත්වී ඇත්නම්, නැවත සංශෝධනයක් ඉදිරිපත් කළ යුතුවේ.නමුත් එම දෝෂය අයඳුම්පත සම්පූර්ණ කිරීමේදී සිදුවූ දෝෂයක්නම්, එවැනි අවස්ථාවලදීද නැවත සංශෝධනයක් ඉදිරිපත් කළ යුතුවේ. *ගාස්තුව -* රු.500.00 ගෙවූ රිසිට්පත.එක්දින සේවාව
*මෙහිදී ඉහත පරිදි සම්පූර්ණ කරන ලද අයඳුම්පත ප්රාදේශීය ලේකම් මඟින් අනු අත්සන් කිරීමෙන් පසු දිනයක් හා වේලාවක් වෙන්කර ගෙන අදාල පුද්ගලයාම දෙපාර්තමේන්තුව වෙත රැගෙන යා යුතු අතර රු.1000.00ක මුදලක්ද ගෙවිය යුතුය.*එක් දින සේවාවට අමතරව සාමාන්ය සේවාව යටතේ ලබා ගැනීමට සති 02කට පෙර දෙපාර්තමේන්තු දත්ත පද්ධතියට ඇතුලත් කරන ලද අයඳුම්පත් ද දෙපාර්තමේන්තුවේ විමසීම් කවුළුවෙන් විමසා එක් දින සේවා ගාස්තු ගෙවීමෙන් තොරව එක් දිනක් තුළ ලබා ගත හැකිය. ඒ සඳහා අයඳුම්පත භාර ගැනීමෙන් පසු ඔබ වෙත ලබා දී ඇති *QR CORD* ඇලවූ අයඳුම්පතෙහි අයඳුම්කරු සඳහා ඇති කොටස රැගෙන යාම ප්රමාණවත් වේ. *සැලකිය යුතුයි* නැතිවූ හැඳුනුම්පතක් වෙනුවෙන් ඉදිරිපත් කරන අයඳුම්පත් සහ වයස අවු.20ට වැඩි මුල් වරට හැඳුනුම්පත ලබා ගන්නා අයඳුම්කරුවන්ගේ හැඳුනුම්පත් සකස් කිරීමේදී එක් දිනක් තුළ හැඳුනුම්පත ලබා ගැනීමේ නොහැකියාවක් පැවතිය හැකිය. එක් දින සේවාව සඳහා අයඳුම්කරු පැමිණීම අනිවාර්ය අතර එසේ නොවන අවස්ථාවලදී හැඳුනුම්පත එක් දින සේවාවෙන් නිකුත් කර එදිනම තැපෑලට යොමු කරනු ලබයි.
වෙනත් ප්රාදේශීය ලේකම් කාර්යාල
කඩුවෙල ප්රාදේශීය ලේකම් කොට්ඨාස සිතියම
ප්රධාන මෙනුව
අප හා සම්බන්ධවන්න
කොළඹ ප්රාදේශීය ලේකම් කාර්යාලය,
කොළඹ,
ශ්රී ලංකාව.
+94 332 222 235
info[at]colombo.ds.gov.lk